Kart utilgjengelig

Dato / tid
Date(s) - 22/06/2019 - 23/06/2019
Hele dagen

Kategorier


Ei helg som handlar om samhandling, kommunikasjon og konfliktløysing. Glede og glød i parforholdet med stikkord som nærleik, kjærleik og seksualitet. Kjenner dykk kvarandre sitt kjærleiksspråk? Er det ulike forventningar til kva parforholdet skal innehalde? Korleis bygge ei felles «forpliktande» plattform? Korleis ordlegge seg for å dempe ei gryande konflikt? Dette er nokon av mange tema vi er innom denne helga.

Du vil etter dene helga kunne oppleve ein betre relasjonen til din nærmaste, utvikle parforholdet, hindre misforståingar og leve eit liv fylt med meir kjærleik.

Dette er jo sjølve St.Hans helga og vi ønsker den skal vere fylt av kjærleik. I tillegg skal feire helga saman med grilling, samvær og lauging med friskt bjørkaris i saunaen for den som ønsker.

Kristin Evjen og Merete Myklebust er kursleiarar og gler seg til å formidle eit viktig og alvorleg tema med humor og varme.

Kristin blir hovedleiaren på dette kurset. Kristin er spesialist i sexologisk rådgjeving, terapeut og har sin praksis i Ålesund, har jobba i mange år med både single og par, helde fleire foredrag og skreve artiklar innan fagområdet. Kristin vil undervise i kommunikasjon uttrykt med respekt og kjærleik, men også med tema som korleis ta være på nærleik, glød og glede i parforholdet.

Merete er utdanna samtaleterapeut og gruppecoach frå ID-Academy i Danmark og vil formidle eit ikkje-voldeleg språk som ikkje provoserar. Eit språk der ein brukar eigne oppfatningar utan å tolke den andre sin eigentlege intensjon. Det er nemleg i  denne tolkninga ein provoserer kvarandre. Du lærer aktiv lytting og får erfaring med å delta aktivt i ein samtale samstundes som din partnar føler seg sett og høyrt.

Denne helga er særleg tilrettelagt for par. Det treng ikkje vere ei djup krise i forholdet for at dykk deltek, dette kurset er like mykje ein boost til godt eksisterande forhold. Ale møter utfordringar av eit eller anna slag i løpet av livet der kommunikasjonen ofte er hovudgrunnen. Vi håper dykk vil setje pris på å kome til vår unike retreat senter i Valldal der de bur i tomannstelt med gode senger, dundyner og saudeskinn framfor senga, sovnar til lyden frå elva som vil gi den djupe gode søvnen og ei fin oppleving saman.

Søndag blir det morgonyoga med Merete og vakker chakra meditasjon av amerikanske Kaiya Ansorge ut på ettermiddagen for den som vil. Kaiya kjem frå USA og er på ferie i området med familien sin denne helga.

PROGRAMMET:

Laurdag

KL. 10.00 -11.00 Innsjekking.

Kl. 11.00 – 13.00 Velkomen og undervisning.

KL. 13.15 – 14.00 Lunsj. Eigatid.

Kl. 15.00 – 17.00 Undervisning.

Kl. 17.00 – 19.00 Sauna og eiga tid.

Kl. 19.30 Grilling

Søndag

Kl. 08.00 – 8.45 Morgonyoga

Kl. 09.00 – 09.45. Frukost

Kl. 10.00 – 12.00 Undervisning

Kl. 12.30 – 13.15 Lunsj

KL. 14.00 – 15.00 Chakrameditasjon

KL. 15.00 – 17.00 Undervisning

Avslutting og heimreise.

Ca. Pris: Kr. 2450,- pr.person inkl. alle måltid, 1 overnatting, morgonyoga, undervisning samt meditasjon søndag ( frivilleg).

Ønsker dykk ei ekstra overnatting i høve kurset kostar eit telt for 2 personar kr. 1000,- denne helga. Telta våre er ei populær oppleving så ver tidleg ute om du ønsker telt ei ekstra natt.

Vi har også eit rom i badehuset med vakker utsikt til natur for den som heller ønsker sove her.

Velkomen til ei lærerik og spanande helg her i vakre Valldal.

Påmelding: Det er plass til 5 par på kurset og ein føreset 4 for at kurset går av stabelen. Fyll ut bookinga under og stadfest påmeldinga di ved å betale inn depositumet. Påmelding innan 01. juni.

Betaling: Ein betalar eit depositum, kr. 2000,-, ved påmelding og etter 10 dagar er dette bindande. Resten av beløpet blir innbetalt innan 12. juni.

Bookings