Grøne kurslokale

Dei gamle drivhusa er skapte om for å forsterke effekten av ro og nærleik til naturen. Glasdrivhuset er både lunt å opphalde seg i, samstundes som ein opplever nærleiken av elvebruset og fuglane som syng utanfor. Det gamle pakkhuset som vart brukt til pakke tomatar,  blande jord, og plante frø, har også fått ny funksjon som kurslokale, opphaldrom og kjøkken. I det nye badehuset finn du eit tanke-tårn, der du kan meditere og sjå utover landskapet. I badehuset dusjar du og går i sauna også. Både ute og inne i retreatet Meretes Garden er det plass til inspirasjon og kreativitet. Tenk deg å berre kunne roe ned nokre dagar i eit av våre stilfulle innreia bomullstelt omgitt av zenhagemiljø og vakker natur (Booking) Gå turar i nærområdet eller dra på setertur, plukk bær eller bad i elv og sjø. Stille og vakre  omgjevnader gir plass og tid til å lytte til kropp og hjarte.